Goede Lezer,
U bent gewaarschuwd, het volgende stuk is in mijn dialect geschreven voor de schriefwedstried!
Onder ’n droad deur vretten betekend vreemdgaan in onze taal.
Helaas geen winnaar geworden maar geniet van de eeuwige roem;-)
De ketnkaaste mekkert mie an de fietse, op hoes an, kloar met het gedram van ketoor. Elken dag wier met ’n kop in de cieffers van nen andern. Elken dag wier kiekn hoe wiedt ajt af kriegt, allenig zo roond de aangifte en de kasdaage dan komm ik walles meu wier van et wark.
20 joar op etzelfde ketoor, hak mie toch aans veuresteld toen ik een joar of 18 warre. Ik zol et wa goan maakn, dikke geeld vedeen en elken dag gave dinge doan. Aans wornn as miene oalders, veule mer wille maakn en zekers neet een geregeld leewn kriegn. Nasi op vriedag, van die dinge, pe nee, het leewn lachen mie to.
Bats, bats, bats, in een rustig tempo jag de fietse vedan. Gelukkig gen file zoas robert Bie oons nuus. Geet elken dag op en neer noa Amsterdam, jag in nen dikn Volvo, dut zich aait goed veur.
Tja dat dikke doen, hij kant. Ma et siert em dat e nog zo gewoon bie oons in de buurte is bliewnn wonn.
Monique ziene vrouwe is toch heel ander slag, mooi in de kleern, “nen stadsen met fratsen”: zeg mien
Bea altied. Tja, mien Bea, dat hak mie toch ok heel aans veur oogn e had.
Good menschke doar neet van ma ja, oj doar noa nen oorlog met goat win. Zat vrooger wat strakker in et vel, nou steet vel strak ma de hoet let wat meer toaw, dikke keujt neet neumn ma die tied dak der met kon proonkn is wa ewes. Wet zich smangs neet meer in de kleern te kriegn en dreg dan van die flodderkleern. Ma oet de kleern kriegn is ok neet mee wat is ewes. Vrogger koj’n ne neet van mie afhoawn en noa? Ach, op de momentn dat et lukket sin ik der wa te passe met.
So, bijna bie toes, toch is met die fietse gangs goan, wat een neulderig gedram an de oorn. Dat is et een beetje, de energie is der wat of bie mie. Ma hoe dan, wattan, toch is goan jaagn op facebook noa miene liefdes van toen, second love prebeern? Heb der a genog trammelant in ezeen bie Monique en Robert in die tied. Monique heul der ene op noa. nen passie pleert der of ak mien Bea mu geleuwn. Den ha Monique nen keer ezeehn met den andern, deurn neet lange ma wat had Robert der nen meujte met.
Ma ja, wat muj dan, hoe geet dat dan, kan der smangs verdreetig van wordn, is dit et dan, zo vedan jaagn deur et leewn met dat waj hebt? Zo nutteloos old won, de liefde nem zo atte is, et wark nem umdat et mie geeld brech veur dit leewn? Wat is der toch met mie gebeurd dat ik mie zo as slachtoffer deur dit leewn hen waandel? Ik hebbe alls en toch is het neet good?
Ik kenne em neet ma nen ooldn kearl(Socrates) hef is ezeg:
“Wie niet tevreden is met wat hij heeft, zal ook niet tevreden zijn met wat hij krijgt.”
Zal veur Bea nen vossen bloomn koopn, den wet neet wat em overkeump en dan kope ik mie nen nieuje fietse, kon wa is geld in goan zamelen veur een good doel op die fietse. Et waark kan nog ie goan bekiekn tot an de vekansie
Onder nen droad deur vretn gif allenig ma schrik in de hoet en trammelant.
At et mut gebeurn dan mur ik het loat gebeurn, elken dag kan ik et verschil maakn.
Gekozen nummer Think, omdat je er best over na kan denken uiteindelijk gaat alles om je eigen vrijheid en geluk maar de ander kwetsen kan je best overwegen.
You better think (think)
Think about what you’re trying to do to me
Bron:
You tube: You Tube, Aretha Franklin
Foto: Internet Ride like a girl cicling